© MedBook.mn. 2011-2024
Хандив өгч бидний үйл ажиллагааг дэмжсэн танд баярлалаа. Хандивын данс: 3000030101 Капитрон банк /Нээлттэй ном/
Арьс судлал

Арьсаа хооллоорой.

Арьсны бүтцийн 85% нь коллаген болон эластинаас тогтдог бөгөөд 20 наснаас хойш бидний биеийн коллаген нийлэгжих үйл явц удааширч арьсанд үрчлээ суудаг ажээ.

Коллаген нь хүний биед бүтцийн чухал үүрэгтэй оролцдог уураг юм. Бидний үс, хумс, яс, үе болон арьсанд коллаген их хэмжээгээр байдаг байна. Тэгвэл коллаген нийлэгжихэд чухал шаардлагатай амин дэм болон уургаар баялаг хүнсийг өдөр тутамдаа хэрэглэх нь бага ч болов үр дүнтэй гэнэ.

  1. Ясны шөл

Сүүлийн үеийн судалгаагаар ясны шөл нь коллагенээр баялаг болох нь тогтоогджээ. Ясанд агуулагдаж байсан коллаген шөлөнд шилждэг байна. Энэ үйл явц гэхдээ маш олон цаг магадгүй бүтэн өдөр болдог тул тэвчээртэй шөлөө буцалгавал коллагенаар баялаг шөл гаргаж авах боломжтой.

2. Улаан лооль

Улаан лооль нь Ц аминдэмээр баялаг байдаг байна. Коллаген нийлэгжихэд Ц аминдэм чухал нөлөөтэй оролцохоос гадна нарны нөлөөгөөр коллаген гэмтэхээс хамгаалдаг байна. Амттай зүйл идмээр санагдахаараа үрлэн улаан лооль идэж болох юм.

3. Үхрийн мах

Үхрийн махыг бид хүнсэндээ элбэг хэрэглэх нь бидний арьсанд эерэг нөлөөтэй гэдгийг та мэдэх үү? Үхрийн мах нь цайраар баялаг бөгөөд цайр нь коллаген нийлэгжихэд чухал нөлөөтэй оролцдог бодисын нэг юм.

4. Өндөг

Та өндгийг яаж идэх дуртай вэ? Шарж, чанаж идэхдээ өндөгний шарыг битгий хагалаарай. Учир нь өндөгний шарын уураг нь хамгийн их коллаген агуулдаг байна. Өндөгний шарыг хагалахгүй хэрэглэснээр таны арьс, үс гэрэлтсэн өнгөтэй болох шидтэй юм.

5. Нимбэг, жүрж

Нимбэг жүржийн төрлийн жимс нь Ц аминдэмээр баялаг бөгөөд нэг дундаж хэмжээний жүржинд 70мг Ц аминдэм агуулагддаг гээд боддоо. Ц аминдэм нь коллагены нийлэгжилтийг дэмжихээс гадна арьсыг цайруулж, нөсөө толбыг арилгах тустай.

6. Коллаген ууж хэрэглэх

Бидэнд хэрэгцээтэй байгаа коллагеныг загасны хайрснаас гаргаж авсан коллагенаас та нөхөж авч болох юм. Уг бэлдмэл хүний арьсанд сонгомолоор үйлчилж арьсны чийрэг толигор байх нөхцөлийг бүрдүүлэх юм. Та өөрийн эрүүл мэнд, гоо сайханд анхаараарай.

СЭТГЭГДЭЛ
АНХААРУУЛГА: Уншигчдын бичсэн сэтгэгдэлд MedBook.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг хэллэгийг хязгаарласан тул бусдын эрх ашгийг хүндэтгэн үзнэ үү.
0/500 тэмдэгт
НИЙТ СЭТГЭГДЭЛ (0)
Шинэ мэдээ
Их уншсан
Уншиж байна ..