Сөрөг нөлөө
Гаж нөлөө
Хоол боловсруулах тогтолцоонд: ам гашуу оргих, биж хам шинж, дотор муухайрах, бөөлжих, ходоод өвдөх, гүйлгэх.
Харшлын урвалууд: халуурах, чичрүүдэс хүрэх, арьсан дээр тууралт, гүвдрүү гарах, арьс загатнах, бронх агчих, судас мэдрэлийн хаван (нүүр хавагнахыг оролцуулан), ховор тохиолдолд – Стивенс-Джонсоны хам шинж.
Бусад: гэрэлд хэт мэдрэгших, зүрхний хэм түргэсэх, булчингийн өвдөлт онцлог байдлаар илрэх; энэ антибиотикт мэдрэг бус мөөгөнцрийн омгууд хэт үржих. (энэ үед бэлдмэлийг солих хэрэгтэй).
Хориглох заалт
Энэ бэлдмэлийн найрлагад орсон аль нэг бодист хэт мэдрэгшсэн бол.
Тун хэтрэлт
Энэ эмийн тун хэтэрсэн тухай мэдээлэл өнөөг хүртэл тэмдэглэгдээгүй.
Анхааруулга
Сэрэмжлүүлэг, анхааруулах заалт
Энэ эмийн бэлдмэлийг биеийг бүхэлд нь хамарсан мөөгөнцрийн халдварт хэрэглэхгүй. Эмчилгээг эхэлсэн бол бүрэн эдгэртэл нь үргэлжлүүл, дутуу орхиж болохгүй.
Ээлж эмчилгээний турш эм хэрэглэх дэглэм ба эмчийн зааврыг бүрэн дагаж, эмийг тогтмол цагийн зайтай уух ба эм уух цагийг алгасч болохгүй. Эм уух цагаа мартаж орхигдуулсан тохиолдолд аль болох түргэн уух ба дараачийн уух хугацаа хэт ойртсон бол орхигдуулсан тунг давхарлаж уух шаардлагагүй.
Нистатиний нөлөөгөөр эмчлүүлэгчийн арьс нарны гэрэлд хэт мэдрэгшиж магадгүй тул эмчилгээ хийж байх үедээ нарны шууд гэрэл ба хэт ягаан туяаны үйлчлэлд орохоос болгоомжлох хэрэгтэй.
Бэлдмэлд саахар агуулагддаг учраас фруктоз зохидоггүй, глюкоз-галактоз шингээх чадваргүй, сахараз-изомальтаз ферментийн дутагдалтай-ховор тохиолдох төрөлхийн эмгэгтэй хүмүүст энэ бэлдмэлийг хэрэглэх боломжгүй. Ямар нэг таагүй нөлөөлөл ажиглагдвал эмийн хэрэглээг даруй зогсоох хэрэгтэй.
Жирэмсэн бх хөхүүл эхийн хэрэглээ
Нистатин хэдийгээр хоол боловсруулах замаар бараг шимэгддэггүй ч жирэмсэн эх ба урагт хор аюулгүйгээр хэрэглэж болох эсэхийг одоогоор тогтоогоогүй учраас хэрэв жирэмсэн эхэд хэрэглэх шаардлага гарвал эхэд үзүүлэх ач тус нь урагт үзүүлж мэдэх эрсдлээс илүү байгаа үед л хэрэглэх хэрэгтэй.
Нистатин хөхний сүүгээр гадагшилдаг эсэх нь тодорхойгүй, иймд энэ эмийг хөхүүл эх хэрэглэх зайлшгүй шаардлагатай тохиолдолд хүүхдээ хөхүүлэхгүй байх хэрэгтэй.
Тээврийн хэрэгсэл жолоодох зэрэг хөдөлгөөний аюултай үйл ажиллагаанд оролцох чадварт нөлөөлөх эсэх
Нистатиныг эмчилгээний тунгаар хэрэглэж байх үед тээврийн хэрэгсэл жолоодох зэрэг хөдөлгөөний аюултай үйл ажиллагаанд оролцох чадварт нөлөөлөхгүй.
Фармакологи
Фармакологийн үйлдэл
Фармакодинамик
Candida омгийн исгэгч төст мөөгөнцрүүдэд идэвхитэй үйлчилдэг мөөгөнцрийн эсрэг полиены антибиотик. Энэ антибиотикийн бүтцэд байх хоёрлосон холбоо нь мөөгөнцрийн эсийн стеролын бүтэцтэй маш ойролцоо учраас бэлдмэлийн молекулууд мөөгөнцрийн эсийн мембранаар хяналтгүйгээр их хэмжээгээр чөлөөтэй нэвтрэн орсны дүнд мөөгөнцрийн эсийн доторх осмос даралтыг ихэсгэж түүнийг мөхөлд хүргэнэ. Энэ эмэнд тэсвэрт байдал маш удаан үүсдэг.
Фармакокинетик
Бие махбодид маш сул шимэгдэн ордог (хоол боловсруулах замд бараг шимэгдэхгүй). Гэдсээр дамжин биеэс гадагшилна. Биед хуримтлахгүй.
Хэрэглэх заалт
Хэрэглэх заалт
Нистатинд мэдрэг, Candida омгийн исгэгч төст мөөгөнцрөөр үүсгэгдсэн гэдэсний халдварын эмчилгээнд хэрэглэнэ.
Өргөн хүрээний үйлдэлтэй антибиотик, кортикостероидууд, цитостатикуудыг хэрэглэх үед дээр дурьдагдсан Candida омгийн мөөгнүүд гэдсэнд ургах нөхцөл бүрдсэн байдаг.
Хэрэглэх арга ба тунгийн хэрэглээний зарчим
Хоол хүнсний хэрэглээнээс хамааралгүй ууж хэрэглэнэ.
Насанд хүрэгчдэд 500000 ЕД тунгаар хоногт 3-4 удаа ууж хэрэглэнэ. Хоногийн тун – 1500000-3000000 ЕД, хүнд тохиолдолд – 4000000-6000000 ЕД.
Эмчилгээний үргэлжлэх хугацаа 2 долоо хоног эсвэл Candida мөөгөнцрийн халдвар арилтал хэрэглэнэ.
13-с дээш насны хүүхдэд – 500000 ЕД тунгаар хоногт 3-4 удаа. Эмчилгээ үргэлжлэх хугацаа – 10-14 хоног. Шаардлагатай гэж үзвэл түүнээс илүү үргэлжлүүлж болно.
Шахмалыг зажлалгүй залгина. Энэ бэлдмэлийг 13 - с доош насны хүүхдэд хэрэглэхгүй бөгөөд бага насны хүүхдүүдэд суспенз хэлбэрээр хэрэглэ.
